Кога еден пар се соочува со предизвикот на неплодност, ин витро (ИВФ) претставува можност и надеж. Дел од процесот често вклучува хормонална стимулација – но што значи тоа во реалноста за пациентката? Колку е безбедно? Како изгледа од перспектива на жената и нејзиниот партнер?
Што се користи: Типови на хормонална стимулација во ин витро
Вообичаено, хормонална стимулација во ин витро вклучува:
- Гонадотропини (FSH и LH): Инјекции што ја стимулираат работата на јајниците и го поттикнуваат развојот на повеќе фоликули (јајце клетки) во еден циклус.
- Gonadotropine-releasing hormone (GnRH) агонисти или антагонисти: Контролираат кога ќе се случи овулацијата за да се избегне прерано испуштање на јајце клетките.
- hCG (human chorionic gonadotropin): Инјекција што го предизвикува финалното созревање на јајце клетките пред пункција.
- Прогестерон: Хормон кој подготвува ендометриумот за имплантација, се користи и по трансферот на ембриони.
Начини на хормонална стимулација во ин витро: Инјекции vs таблети
Во повеќето случаи, хормоните се даваат преку:
- Супкутани или интрамускулни инјекции – најчесто за гонадотропините и GnRH агонисти/антагонисти. Овие хормони мора да се аплицираат точно според шемата и времето.
- Орални таблети – се користат поретко, но понекогаш се дел од поблаги протоколи.
- Вагинални или интрамускулни прогестерон апликации – по трансферот на ембрион.
Инјекциите се најчесто користени бидејќи обезбедуваат побрза и подиректна реакција на јајниците.
Дали постои ризик од хормонална стимулација во ин витро?
Современите ИВФ протоколи се дизајнирани да бидат максимално безбедни. Сепак, некои потенцијални ризици вклучуваат:
- Оваријален хиперстимулациски синдром (OHSS) – ретка, но сериозна состојба со претерана реакција на јајниците. Во нашата болница, со прецизна ехо-контрола и внимателно дозирање, овој ризик е сведен на минимум.
- Блага непријатност и надуеност – во тек на стимулацијата, но најчесто привремено.
- Можна емоционална чувствителност – хормоналните промени знаат да влијаат на расположението.
Дали е задолжително секое ин витро да вклучува хормонална стимулација?
Не. Постојат природни циклуси на ИВФ – процедури каде што не се користат хормони за стимулација, туку се следи природниот циклус и се извлекува само еден фоликул.
Овој пристап е со помал успех по циклус, но е одлична опција за жени со ризик од OHSS, за жени кои преферираат минимална интервенција или имаат медицински контраиндикации за хормонална терапија.
Зошто контролираната хормонална стимулација во ин витро е важна?
- За да се зголеми бројот на јајце клетки со зголемување на шансите за успешно оплодување.
- За да се синхронизира растот на фоликулите и правилно да се одреди времето на пункцијата.
- За да се контролира овулацијата и да се избегне предвремено ослободување на јајце клетките.
Што значи сево ова за вас како пациентка?
- Персонализиран пристап – секој ИВФ план е прилагоден на вашите хормонални вредности, возраст, здравствена состојба и репродуктивна историја.
- Континуирана ехо и лабораториска контрола – следење на секој чекор за да се гарантира безбедност и успех.
- Комплетна поддршка – медицинска, психолошка и едукативна.
- Транспарентност – секој лек, доза и чекор е објаснет однапред.
Хормонална стимулација во ин витро е безбедна, строго контролирана и дизајнирана да го зголеми успехот на вашата постапка. Секоја пациентка е различна, а нашиот тим во Болница „Д-р Органџиски“ секогаш работи според вашиот индивидуален ритам и потреби.
За нас, безбедноста, транспарентноста и грижата се на прво место.
📞 Закажете консултација:
☎️ 032 / 393-757 | 📱 078 / 393-757 | ✉️ contact@organdziski.com