Со огромна радост го дочекавме првото бебе родено во новата 2025 година!

 Малото чудо дојде на свет една минута по полноќ, донесувајќи среќа и надеж за сите нас. Бебето од машки пол, со тежина од 3430 грама и должина од 51 сантиметри, е здраво и полно со живот.

Среќните родители, со насмевки и солзи радосници, го поздравија новиот член на семејството, кој ќе внесе топлина и љубов во нивниот дом.

Ова прекрасно новогодишно раѓање е симбол на нови почетоци и неизмерна радост за целиот наш тим. Нека 2025 година биде исполнета со уште многу вакви прекрасни моменти, каде секој нов живот е празник сам по себе.

Со срдечни честитки до семејството, продолжуваме да ја негуваме посветеноста кон грижата за мајките и новороденчињата, како и да создадеме уште многу среќни семејства.

 Голема благодарност до нашиот тим: гинеколози акушери Д-р Стојан Органиски, Д-р Верица Органџиска, Д-р Кирчо Шумански, акушерка Сања Николова, педијатар Прим. Д-р Никола Ќулафковски, анестезиолог-реаниматор Прим. Д-р Киро Чурлинов, анестетичар Катарина Шаклева , инструментарка Благица С. Тенева и неонатолошка сестра Татјана Панева.

Специјализирана болница за гинекологија и акушерство Д-р Органџиски – болница што влева верба во иднината.