Почитувани пациенти, вработени, стручни соработници и пријатели на Специјализираната болница по гинекологија и акушерство „Д-р Органџиски“ – Штип, Со огромна радост и гордост ја завршуваме 2024 година – година која за нас претставуваше вистински доказ за нашиот квалитет, посветеност и професионализам. Во изминатата година, болницата продолжи да биде столб на здравјето и поддршката за сите жени и семејства кои ни ја доверија својата грижа. Со напорна работа и целосна посветеност, успеавме да постигнеме бројни успеси:

Современа грижа за пациентите: Воведовме иновативни методи и технологии кои го подобрија искуството и здравствената грижа за нашите пациенти.

Едукација и усовршување: Нашиот тим постојано се надградуваше преку тренинзи, семинари и соработки со водечки експерти во областа на гинекологијата и акушерството.

Партнерства: Успешно реализиравме проекти со национални и меѓународни партнери, што ни овозможи подобар пристап до нови медицински практики и ресурси.

Посветеност на вработените: Ги поттикнавме нашите вработени да го дадат најдоброто од себе, обезбедувајќи поддршка, мотивација и услови за работа на највисоко ниво.

Нашите успеси не би биле можни без вас – нашите пациенти, кои сте нашата инспирација и мотивација да го даваме најдоброто. Искрено ви благодариме за довербата што ни ја укажавте и за тоа што заедно со нас сте дел од ова патување кон подобро здравје и благосостојба.
Голема благодарност упатуваме и до нашиот тим од лекари, медицински сестри, административен персонал и стручни соработници. Вашата посветеност, професионализам и човечност се основата на нашиот успех.

Со гордост ја истакнуваме визијата и неисцрпната енергија на нашиот директор, Д-р Стојан Органџиски, чија посветеност и желба за напредок претставуваат вистинска инспирација за сите нас.

Во 2025 година влегуваме со уште поголема сила, подготвени за нови предизвици и успеси. Со позитивна енергија, креативни идеи и визионерско лидерство, ќе продолжиме да го подобруваме здравјето и квалитетот на живот на нашите пациенти.

Со почит и благодарност,
Тимот на Специјализирана болница по гинекологија и акушерство „Д-р Органџиски“ Штип
Болница што влева верба во иднината.